الشقردي - مقال قصير يهم كل متدرب و موظف جديد

الشقردي - مقال قصير يهم كل متدرب و موظف جديد

اغلبنا مر بتجربة انه يكون متدرب في جهة قبل اول وظيفة, وانا من الناس اللي الله وفقهم وتدربت في جهتين الاولى كانت فاشلة بكل المقاييس والثانية كانت عكسها تماما!


حبيت أكتب بهذا المقال القصير لاخواني المتدربين والي مقبلين على فرصة تدريبية أو الموظفين الجدد واختصر عليهم الوقت ب4 نصائح بتساعدهم في ان تكون تجربتهم ممتازة بإذن الله.


اول نصيحة/ لا تستحتي

الحياء شعبة من الأيمان لكن بحدود, حاول تدخل مع الفريق وتكون واحد منهم لا تحس انك ضيف عليهم.


النصيحة الثانية: لا تخاف

مافيه احد بيتوقع انك راح تسوي اي مهمة من دون خطاء, فالخطأ شي طبيعي لأن هدف وجودك عندهم هو التعليم ومافيه تعليم بدون خطأ.


النصيحة الثالثة: ابحث عن الشغل

الصق بالموظفين وخلك (ملقوف) اذا شفت احد يشتغل رح له وقل له وش رايك اساعدك, لا تتوقع بيقولك لا. في الغالب بيقول لك حياك وبتشجعه على انه يعلمك ويعطيك خلاصة خبرته لسنوات.


النصيحة الرابعة: أشتغل دون النظر للمقابل

بعض المتدربين للأسف يتهاون ويقول التدريب ماراح يكون منتهي بالتوظيف فليه اتحمس؟ او يتدرب فقط عشان يغطي الساعات المطلوبة في الجامعة وللاسف يروح الوقت وتروح الفرصة بدون أي فائدة تذكر! ثم بعد انتهاء الفرصة التدريبية يجد نفسه لم يتعلم شيء!



حسب تجربتي في التدريب ومع المتدربين فأن أكبر عامل لنجاح وفشل التدريب هو المتدرب, وانا لا ألوم المتدرب فقط لكن هو عامل كبير وأساسي يساعده وجود مسؤول عن التدريب لديه أحساس عالي بالمسؤولية ورغبة لنفع الآخرين.